قصة عن التكشير والابتسامة والقصة مررة حلوة وفكرتها مختلفة

القصة دي معتمد في المناهج في الإمارات ويعطوها لكل طالب وفعلا تستاهل انها تكون من ضمن المنهج

​

القصة عن مدينة اسمها تكشيرة... كل الناس في المدينة يكشروا وممنوع فيها الابتسامة ابدا

حتى الأطفال ممنوع انهم يبتسموا ويعلموهم كيف التكشير وكل سنة يعملوا مسابقة اجمل تكشيرة في المدينة والسيد تكشيرة هوا اللي يفوز

​

في يوم السيد تكشيرة جاته بنت سماها جميلة ومن يوم خرجت للدنيا وهي تبتسم وصار السيد تكشيرة خايف الناس يشوفوها تبتسم... ولمن كبرت وصارت لازم تدخل مدرسة راح السيد تكشيرة للمديرة وقال لها انه بنته بس تبتسم وقالت المديرة انا راح ادربها على التكشير

​

ومع الأيام بسبب الطفلة جميلة كل الأطفال في المدرسة اتعلموا الابتسامة والناس في المدينة اتعلموا الابتسامة وصاروا اكثر سعادة والمدينة صارت اجمل وغيروا اسمها من مدينة تكشيرة لمدينة بسمة

​

حقيقي قصة رااائعة تعلم الطفل الفرق بين التكشيرة والابتسامة ووكيف تأثيرهم على الناس