worksheet-19.png

صناديق الطعام

قبل ما تشتروا صندوق طعام لازم تتأكدوا من الحجم هل يناسب شنطتكم او لا؟

لأنه بعض علب الأكل تكون كبيرة وتحتاج شنطة أكل كبيرة تناسبها

تاني شي لازم تختاروا تقسيمة الصندوق حسب احتياجكم

هل طفلك يحب ياكل اصناف كثير بكميات قليل؟ هنا نختار صندوق اقسامه كثير

هل طفلك اساسي عنده الساندويتش؟ هنا نختار صندوق فيه قسم كبير يكفي الساندوتش

هل طفلك ياكل صنف واحد فقط في الوجبة ؟ حنختار علبة اكل غير مقسمة وممكن نستخدم اكثر من علبة 

للتوضيح

أي صندوق طعام من اللي راح اتكلم عنهم في الصفحة ما يمنع تسرب السوائل

يعني ممكن نحط في العلبة لبن يوناني او لبنة لأنها ثقيلة ولكن ماينفع نحط لبن زبادي لأنه راح يطلع موية

وحتختلط بالاكل وممكن كمان تتسرب لخارج الصندوق

ممكن نحط حمص بس ما نحط عليه زيت زيتون لانه سوائل راح تتسرب

ممكن نحط مكرونة مع كريمة او صوص ولكن نراعي انه الصوص مايكون كثير ولا مرة سائل ومافيه زيوت تتسرب 

ملاحظة

كل اغطية العلب ما تدخل غسالة الصحون عشان نحافظ على الجلود اللي تمنع تسرب السوائل

اللي يدخل غسالة الصحون الصينية الداخلية فقط وتكون في الرف العلوي 

worksheet-18.png

تايني ويل

أول شركة أنصح فيها وكنت أبيع منها في متجري وجودتها ممتازة وسعرها مناسب مقارنة بباقي الشركات اللي تبيع نفس المنتج ويمنع اختلاط الطعام والتسريب

عندهم 3 احجام الميني فيه 3 اقسام ويناسب عمر الروضة لو دوامهم قصير 

و4 اقسام وهو افضل واحد وانصح فيه لانه في واحد من الاقسام كبير بحجم التوست وحجم الصندوق يناسب كل شنط الاكل

و 6 اقسام يناسب الأطفال اللي يحبوا ينوعوا في وجباتهم وياخدوا اصناف كثير لكن ولا واحد من اقسام الصندوق يكفي التوست كامل ولازم ينقسم بالنص

worksheet-14.png
worksheet-14.png
دون عنوان (1080 x 1600 px) (2).png
دون عنوان (1080 x 1600 px) (9).png
دون عنوان (1080 x 1600 px) (6).png
دون عنوان (1080 x 1600 px) (3).png
دون عنوان (1080 x 1600 px) (4).png
دون عنوان (1080 x 1600 px) (5).png
دون عنوان (1080 x 1600 px) (7).png
worksheet-18.png

Yumbox

يم بوكس اشهر شركة في صندوق الطعام على مستوى العالم والاغلب يعرفها

جودتها نفس جودة تايني ويل كلهم ممتازين

الاحجام والأقسام عندهم مختلفة واضفتها في الصورة كل حجم مع اسمه عشان تقدروا تقارنوا بينهم حسب احتياجكم

خيارات الألوان كثير وكمان الصينية الداخلية طبعاتها مختلفة 

قبل ما تشتروا شوفوا مقاساتها تناسب شنطتكم او لا 

لأنه حجم الصندوق الخارجي مختلف مو بس الأقسام الداخلية اللي تختلف

worksheet-14.png
worksheet-14.png
worksheet-14.png
worksheet-14.png
worksheet-14.png
worksheet-18.png

Kinsho

شركة كينشو مو منتشرة عندنا ولكن تقييمها جداااا عالي في امازون وابغى اطلب منها

اللي عجبني فيها انه عندهم حجم صندوق كبير يكفي للمراهقين والبالغين

وتقسيمته حلوة وكمان مافيه رسمات عشان مايكون طفولي وبعضهم يجي معاه ملعقة وشوكة وفي لهم مكان تخزين في العلبة 

عندهم أحجام واقسام مختلفة تناسب الاطفال والبالغين

عجبني من عندهم الكبير اللي 4 اقسام وكمان الميني اللي يجي علبتين خصوصا لو الطفل عنده اكثر من فسحة ممكن نحط وجبة الفطور في علبة والغداء في علبة

دا البراند كاتب انه العلب ضد تسريب السوائل وبعض التعليقات انه فعلا ما تسرب وبعضهم قالوا انها تسرب ف لا تعتمدوا عليها للسوائل للاحتياط

كل منتج تفتحوه من امازون تلاقوا فيه خيارات ألوان واحجام مختلفة مو بس اللون والحجم اللي معروض في الصورة الخارجية وكمان في عروض علبتين او علبة وشنطة اكل بسعر اقل 

worksheet-18.png

أومي لايف

صندوق الطعام من أومي لايف غني عن التعريف واكثر شي اشتهر فيه انه في الصندوق واحد من الأقسام عبارة عن حافظة طعام تحفظ الحرارة ومحكمة الاغلاق ما تسرب السوائل حتى لو حطينا فيها شوربة وممكن نشيلها لو ما نحتاجها

جدا مفيدة لو نبغى نحط وجبة للطفل وتبقى دافية لوقت الفسحة او تبقى باردة

ولها ملحقات ملعقة وشوكة مع حافظة تتعلق على الصندوق من الخارج

كمان لها مسكة يد يعني ممكن الطفل يستغني عن شنطة الأكل 

worksheet-18.png

Sistema

شركة سيستيما معروفة وموجودة في ساكو وما اعرف لو متوفرة في مكان تاني

حطيت لكم الرابط من ساكو بس اتوقع لو روحتوا الفرع راح تلاقوا تشكيلة أكبر والأحجام تكون أوضح لكم وصعب اتكلم هنا عن كل حجم

عندي علب منهم للأولاد وسعرهم جدا مناسب وما تعتبر غالية ابدا وخيار ممتاز

بعض العلب مقسمة وبعضها لا ... افضل سعر لقيته في ساكو 

لو ما تحبوا الصناديق المقسمة شوفوا علب سيستيما ممتااااازة

worksheet-18.png

منشكن

صندوق الطعام من شركة منشكن المعروفة... حجم الصندوق كبير فيه مميزات حلوة 

أول شي انه له مسكة يد ينشال منها وممكن الطفل يستغني عن شنطة الأكل

تاني ميزة اللي مرة عجبتني انه الغطاء فيه مكان لتثبيت الملعقة والشوكة وانا اشوفها ميزة لأننا عادة لمن نعطي الطفل ملعقة وشكة تكون في علبة خارجية وضاعت علينا علب للأسف أو اننا نحطها لحالها في شنطة الأكل ف أنا عن نفسي أشوفها ميزة مهمة

ثالث ميزة انه فيه قسم كبير بحجم التوست و كمان قسم طويل يكفي علبة العصير

ملاحظة مايمنع تسرب السوائل 

worksheet-18.png

Essmak

اسمك براند متخصص في الطباعة ويعمل الصندوق مع شنطة الأكل عليه أشكال واسم

بما اني ماعندي نية ارجع قريب اعمل استكرات لصناديق الاكل فقولت اقول لكم على دا البراند

افتحوا الرابط حتلاقوا مجموعة بوكسات للاولاد والبنات بأشكال مرة كتير 

صندوق الطعام مقسم نفس فكرة تايني ويل بس أقسامه مختلفة

ماعندهم خيارات في عدد اقسام الصندوق