هاما بيدز

دا الخرز اللي ينكوي ويمسك في بعض ويصير قطعة وحدة

جدااااا ممتع مريم تحبه وتعمل فيه أشكال كثير وكم مرة صورتها عالسناب

من الأشياء اللي تعملها شخصيات كرتونية، فاصل للكتاب، اطار للأفياش و قاعدة أكواب، الأفكار ما تنتهي وفي أفكار لسه ما علمناها منها اكسسوارات زي حلق وتعليقة سلسلة وممكن سلسلة مفاتيح وديكورات للغرفة

راح اكتبلكم كل شي بالتفصيل وبناتكم جدا راح يستمتعوا بالتجربة

هذا فيديو من قناة رائعة ممكن تاخدوا منها أفكار للهاما بيدز

هذا الحجم أسهل كبداية وهو اللي منتشر جدا ونفس اللي مريم تستخدمه

راح استعرض معاكم كل المنتجات اللي نحتاجها لحجم 5 ملم لأنه كل حجم له أدوات مختلفة

اضغطوا على كل صورة عشان تروحوا على صفحة المنتج في علي اكسبرس

هذا المتجر انا معتمدته دايما اشتري منه اشياء الهاما بيدز ويدعم خدمة علي اكسبرس دايركت

هاما بيدز 5 ملم

الخرز بحجم 5 ملم

هذا المتجر عنده 133 لون من الخرز بس مو كلها معروضة ... راح اوريكم طريقة كيف تقدروا تطلبوا اي لون خرز يعجبكم من عندهم وما يكون معروض في المتجر

هذا الرابط فيه كل الخرز بحجم 5ملم

كيف نطلب لون خرز غير معروض من ضمن خيارات المتجر؟

أول شي نختار نبغى اللي فيه 500 حبة او 1000 حبة، كل صورة مكتوب عليها عدد القطع بس اضغطوا عليها وتروحوا على صفحة المنتج

ننزل في الصفحة تحت شوية راح نلاقي صور فيها كل

الألوان مع أرقامها، اللون اللي يعجبنا وغير معروض من خيارات المنتج اننا نقدر نضيفه للسلة نسجله في ورقة وشوفوا كيف نقدر نطلبه

d-52_edited_edited_edited_edited_edited_

من ضمن خيارات الخرز اللي تقدروا تضيفوه للسلة راح تلاقوا دا المنتج

كيف نستعمله؟؟؟ مثلا اخترنا من الألوان الغير معروضة 5 أزرق رقمه 221 و3 أحمر رقمه 546

و6 أصفر رقمه 998 وكتبنا رقم كل درجة لون منهم وراح يكون الإجمالي 14 منتج يعني نضيف هذا المنتج للسلة ونعدل العدد ل 14

تاني خطوة نروح على السلة ونختار المنتج ونضغط على اشتر

راح نروح على صفحة مراجعة الطلب ونلاقي تحت المنتج كلمة اترك رسالة

نضغط عليها وراح ينفتح مكان نكتب فيه رسالة للبائع

اكسسوارات الخرز بحجم 5 ملم

الخطوة الأخيرة نكتب طلبنا في مكان اترك رسالة بنفس دي الطريقة

رقم المنتج X العدد

اللون الأبيض والأسود اطلبوا منه أكثر من باقي الألوان لأنه يستخدم كثير وتقريبا في كل التصاميم ف راح يخلص بسرعة عليكم

ملاحظة

قاعدة للخرز المقاس العادي واللي الأغلب يستخدمه وبعدة أشكال وكلها أساسية لازم تكون عند كل طفل يعمل بيدز هذا الرابط فيه كل الخيارات

المربع أنصح انه أقل شي يكون عند الطفل 4 حبات لأنها تتثبت جمب بعض وتصير مربع كبير في حال الطفل يبغى يعمل شي حجمه كبير ومريم دايما تثبت أكثر

من مربع مع بعض حسب التصميم

قاعدة للخرز حجمها كبير مو أساسية أبدا ولكن بالنسبة لمريم ضرورية

ميزتها انها قطعة كبيرة بدل ما الطفل يركب اكثر من مربع في بعض

الحلو انه سهل لو الطفل يبغى يحركها من مكانها ولكن المربعات المركبة مع بعض ما يقدر الطفل يغير مكانها غير لمن ينتهي من التصميم وينكوي

وبالنسبة لمريم لو بتعمل تصميم كبير أريح لها دا الحجم

ملقاط للخرز ضروري مرة تجيبوه

مرة أسهل للطفل انه يشيل بيه البيدز بدل اليد

هذا الحجم مرة صغير ويستخدم اكثر شي للتصاميم اللي مرة صغيرة زي الاكسسوارات

وكمان يستخدم للتصاميم ثلاثية الأبعاد يعملوا طبقات مختلفة وبعدين

تتصلق مع بعض وتصير مجسمات

لحد الآن ما جربناه لو فكرنا نعمل اكسسوارات راح نشتريه

هاما بيدز 2.6 ملم

الخرز بحجم 2.6 ملم

هذا الرابط فيه كل ألوان البيدز بحجم 2.6 ملم وعندهم 225 لون

ولو لقيتوا ألوان غير معروضة ممكن تطلبوها بنفس الطريقة الموضحة فوق

في البيدز بحجم 5 ملم

اكسسوارات الخرز بحجم 2.6 ملم

قاعدة للخرز في الحجم 2.6 ملم القاعدة واحد مقاس مافي منها الكبيرة

ضروري الطفل يكون عنده كل الأشكال

هذا الرابط فيه كل الخيارات

ملقاط للخرز ضروري مرة تجيبوه

مرة أسهل للطفل انه يشيل بيه البيدز بدل اليد

اكسسوارات للخرز بكل الأحجام

علب تخزين اشتروا مقاس لارج والمجموعة فيها 20 علبة... كل علبة احنا كاتبين عليها من تحت رقم اللون عشان لو احتجنا نرجع نعبيها او لو خلص اللون ونبغى نشتري نفسه

كتاب أنماط الكتاب ينقع كبداية للمبتدئين وفيه أشكال يعملوا نفسها ... مريم اول ما اتعلمت على البيدز كان عندها ورقة تعمل زيها وبعدين صارت تاخد افكار من النت وراح اكتبلكم من فين وكيف

ورق الخبز دا البديل للورق وانا استخدمه لمن نعمل بيدز حجم كبير وما يفرق أبدا عن الورق الجاهز اللي اشتريه من علي اكسبرس بس الجاهز يريحني انه نفس مقاس القاعدة